“FӘTH” SURӘSİ PEYĞӘМBӘRİN (S) МӘSUМ OLМASINI İNKAR ETМİRМİ?

Sual: Әgәr İslam Peyğәmbәri (s) vә digәr Peyğәmbәrlәr günahsızdırsa, nә üçün “Fәth” surәsindә belә buyurulur: “Hәqiqәtәn, biz sәnә açıq-aşkar bir zәfәr bәxş etdik; Allah sәnin әvvәlki vә sonrakı günahlarını bağışlayacaq, sәnә olan nemәtini tamamlayacaq vә sәni düz yola müvәffәq edәcәk.”(Fəth surəsi, 1-2) Ayәlәrdә hansı günahdan danışılır?

Cavab: Әvvәla, nәzәrә almalıyıq ki, bütün inqilabi insanlar hansısa mәnfi ictimai fikirlәrә qarşı addım atmışlar. Öz islahedici proqramları ilә meydana atılan bu insanlar ilk qәdәmdә müxaliflәrlә, yalanlarla, böhtanlarla üzbәüz gәlirlәr. Böyük şәxsiyyәtlәr daim geri qalmış cәmiyyәtin bu sayaq hәrbә-zorbası ilә rastlaşmışlar.

Peyğәmbәr dә istisna deyil. Hәzrәt qüreyşin müxalifәti, onların әsassız böhtanları ilә üzbәüz gәlmişdi. Dünәnәdәk etibarlı, doğruçu, pәhrizkar sayılan bir şәxs insanları cәhalәtә, bütpәrәstliyә qarşı çağıran tәk, sehr-caduda, divanәlikdә ittiham olundu. Bu sayaq böhtanlar hamını çaşdırmasa da, cәmiyyәtin sadәlövh vә nadan tәbәqәsini şәkk-şübhәyә salır. Doğrudan da, hәmin vaxt qüreyş öz böhtanları ilә bir çoxlarını çaşdıra bildi. Bәs töhmәt vә iftiraları aradan götürüb, hәqiqәtin simasını necә aşkarlamaq olar? Bir çıxış yolu var: Mübariz, tәrәqqipәrvәr insan qәlәbә çalıb, öz xeyir niyyәtini sübuta yetirmәklә haqqında deyilәnlәri puça çıxara bilәr. Belә bir insan mәğlub olduqda isә onun haqqında deyilәn böhtanlar uzun müddәt zehnlәrdәn silinmir.

Yuxarıda deyilәnlәr İslam Peyğәmbәrinә (s) dә aiddir. Hәzrәtin mütәrәqqi proqramları mәhrumların xeyrinә, zalım hakimlәrin zәrәrinә idi. Haqq mübarizә meydanında qazanacağı qәlәbәlәrdәn xәbәr verirdi. Allahın lütfü, öz dözümü vә ardıcıllarının vәfası sayәsindә hәzrәt Peyğәmbәr (s) şirk mәrkәzini sarsıtdı vә Mәkkә parlaq bir qәlәbә ilә fәth olundu. Hәmin günәdәk açıq düşmәnçilik edәn qüreyş İslam hakimiyyәti qarşısında diz çökmәyә mәcbur oldu. Әn böyük nәticә isә mәnәvi inqilabın bәhrәsi idi. Qәlәbә sayәsindә yalançı vә böhtançı ağızlar bağlandı. Artıq hәzrәt Peyğәmbәri (s) divanә, sahir, kahin, şair adlandıran yox idi. Çünki deyilәn sifәtlәrә malik olan insan belә әzәmәtli bir qәlәbә qazana bilmәzdi.

Adı çәkilәn ayәdә hәzrәt Peyğәmbәrdәn (s) baş vermiş hansısa günahdan yox, Mәkkәnin fәthindәn qabaq hәzrәtә aid edilәn böhtanlardan danışılır.

Uyğun qәlәbә bir çox sadәlöhv insanların qәlbindә özünә yer tapmış şәkk-şübhәlәri aradan qaldırdı. Әgәr Mәkkәnin fәthi baş vermәsәydi, böhtanlar da davam edәsiydi. Ayәnin bu cür tәfsir olunmasının iki dәlili var:

1. Mәkkәnin fәthi gününәdәk hәzrәt Peyğәmbәrin haqqında min bir yersiz söz danışılırdı. Qәlәbәdәn dәrhal sonra hәzrәt Peyğәmbәrә (s) nahaqdan aid edilәn bütün günahlar unuduldu. Әgәr Peyğәmbәr (s) özü günaha yol vermiş olsaydı, bu günahların yuyulması üçün Mәkkәni fәth etmәyә ehtiyac yox idi. Günah tövbә vasitәsi ilә yuyulur.

2. Ayәyә diqqәt etsәniz, görәrsiniz ki, ayәdә tәkcә keçmişdәki günahlardan yox, hәm dә gәlәcәkdәki günahlardan danışılır. Әgәr gәlәcәkdә hansı günahın baş verәcәyi bilinmirsә, bu günah әvvәlcәdәn necә bağışlana bilәr? Demәk, yeganә düzgün tәfsir Peyğәmbәrә nahaq olaraq aid edilmiş günahların nәzәrdә tutulmasıdır. Çünki hәzrәtә Mәkkәnin fәthindәn qabaq da böhtan atılırdı, sonra da belә böhtanlar atılması mümkün idi. Ona görә dә Allah-tәala hәzrәt Peyğәmbәrә (s) hәm әvvәlki, hәm dә sonrakı günahları, yәni böhtanların bağışlanacağını, yәni yuyulub gedәcәyini vәd edir.

“Dini suаllаrа cаvаblаr”, Аyәtullаh-üzmа Mәkаrim Şirаzi və Аyәtullаh Cәfәr Sübhаni