Tövbə surəsi, 82 barədə suala cavab

DOĞRUDANMI, MÖMİN AZ GÜLÜB, ÇOX AĞLAMALIDIR?

Sual: Qurani kәrimdә oxuyuruq: “Qazandıqları günahların cәzası olaraq, az gülüb, çox ağlasınar.”(Tövbə,82) İslam dinindә insana zәrәrli işlәrә icazә verilmir. Mәgәr çox ağlamaq zәrәrli deyilmi? İkinci bir tәrәfdәn, gülüş vә şadlıq insan sağlamlığı üçün çox faydalıdır. Nә üçün onun qarşısı alınır?

Cavab: Ayәni yuxarıda qeyd olunan şәkildә anlayanlar onun әvvәlinә vә axırına diqqәt yetirmirlәr. Uyğun ayә islami cihad göstәrişlәri haqqında danışan, münafiq vә müxaliflәrin halını bәyan edәn ayәlәrin davamında gәlmişdir. Haqqında danışılan ayәdәn qabaqkı ayәyә nәzәr salaq: “Cihadda arxada qalan münafiqlәr Allahın rәsuluna qarşı çıxaraq, oturub qalmaqlarına sevindilәr. Allah yolunda malları vә canları ilә cihad etmәk istәmәdilәr vә dedilәr: “Bu istidә döyüşә çıxmayın.” De ki, cәhәnnәm odu daha istidir. Kaş bilәydilәr!” Mәhz bu ayәnin davamında buyurulur: “Qazandıqları günahların cәzası olaraq, az gülüb çox ağlasınlar.” Әvvәlki ayәyә nәzәr saldıqdan sonra növbәti ayәnin münafiqlәrә aid olduğu qәtiyyәn şübhә doğurmamalıdır. Ayәni bütün xalqa aid etmәk düzgün deyil. Ayәdә işarә olunur ki, hәmin şәxslәr qarşıda onları gözlәyәn cәzalardan xәbәrdar olsaydılar, çox ağlayar, az gülәrdilәr.

“Dini suаllаrа cаvаblаr”, Аyәtullаh-üzmа Mәkаrim Şirаzi və Аyәtullаh Cәfәr Sübhаni