NӘ ÜÇÜN ALLAH-TӘALA “RӘBBUŞ-ŞİRA”, YӘNİ ŞİRA (PROSİON) ULDUZUNUN RӘBBİ KİМİ TANITDIRIR?

Sual: Quranda Allah-tәala belә tәqdim olunur: “Şira ulduzununda Rәbbi Odur.( “Әnnәcm”, 49) Belә bir sual yaranır ki Şira ulduzunun hansı xüsusiyyәtlәri onu önәmli etmişdir? Mәgәr Allah bütün ulduzların Rәbbi deyilmi?

Cavab: Allahın Özünü “Rәbbuş-şira” adlandırmasının iki sәbәbi var:

1. Xuzaә adlı әrәb qәbilәsi Şira ulduzuna pәrәstiş edir, ona hәmd oxuyurdular. Onların nәzәrincә, yer üzündә әlаmәtlәrin mәnbәyi bu ulduz olmuşdur. Ona görә dә Allah-tәala bu ulduzun da başqa varlıqlar kimi yaradılmış bir varlıq olmasını önә çәkәrәk buyurur: “Şira ulduzunun da Rәbbi Odur.” Hәmin qәbilәnin nәzәrinә çatdırılır ki, onlar yanlış yol tutaraq, Allahın yaratdıqlarından birinә pәrәstiş edirlәr.

2. Şira ulduzu sәmadakı parlaq ulduzlardandır. Nücum sahәsinin bilicilәri onu “alfa” vә ya “ulduzlar padşahı” adlandırmışlar. Bu ulduzun bәzi maraqlı xüsusiyyәtlәri vardır. Bu xüsusiyyәtlәrdәn bir qismini nәzәrdәn keçirәk:

a) Paris rәsәdxanasında aparılmış tәdqiqatlara әsasәn, Şira ulduzunun sәthindә temperatur yüz iyirmi min dәrәcә santiqraddır. Hansı ki, planetimizi işıqlandırıb, onda hәyatı tәmin edәn günәş sәthindә temperatur altı min beş yüz dәrәcә santiqraddır. Demәk, Şira ulduzunun temperaturu fövqәladә dәrәcәdә böyükdür.

b) Bu ulduzun xüsusi çәkisi suyun xüsusi çәkisindәn 50 min dәfә ağırdır. Hansı ki, günәş sisteminin әn ağır xüsusi çәkiyә malik olan planeti Merkurinin xüsusi çәkisi sudan cәmi altı dәfә çoxdur. Belә bir xüsusi çәki Şira ulduzunun tәrkibi haqqında maraqlı fәrziyyәlәr doğurmuşdur.

v) Şira ulduzu, mәrkәzindә bir xәtt boyunca düzülmüş üç ulduz olan gözәl bir trapesiyanın altında yerlәşir.

q) Şira sәmanın әn parlaq ulduzlarındandır. O, adәtәn, qış fәslindә zühur edir. Amma qәdim Misir münәccimlәrinin dövründә, tәqribәn yeddi min il bundan qabaq Şira ulduzu yayın әvvәllәrindә görünәrdi.

d) Şira ulduzu ilә bağlı aparılan araşdırmalardan mәlum olmuşdur ki, bu ulduz günәşdәn tәqribәn iyirmi dәfә böyük hәcmә malik olan әzәmәtli bir kürәdir. Amma bu ulduz yer planetindәn çox-çox uzaqdır. Bilirik ki, işıq sürәti saniyәdә üç yüz min kilometrdir. Günәşin nuru yüz әlli milyon kilometr mәsafәni sәkkiz dәqiqә on üç saniyәdә qәt edәrәk, yerә çatır. Amma Şira ulduzunun işığı bizim yer kürәsinә on il yol gәlir.

İnkar etmirik ki, bu sayaq xüsusiyyәtlәrә malik başqa ulduzlar da var.

“Dini suаllаrа cаvаblаr”, Аyәtullаh-üzmа Mәkаrim Şirаzi və Аyәtullаh Cәfәr Sübhаni