QURAN VӘ SӘМA CİSМLӘRİNİN RAМ EDİLМӘSİ

Sual: Qurani-Kәrimdә sәma cisimlәrinin alimlәr tәrәfindәn hansısa bir hәddә ram edilmәsi barәdә mәlumat verilmişdirmi? Bәşәriyyәt bu sahәdә daha da irәli gedә bilәcәkmi?

 

Cavab: Şübhәsiz ki, insan hәyata qәdәm qoyduğu gündәn tәkamüldәdir. İndi dә elә bir gün olmur ki, yaranış alәminin hansısa bir sirri açılmasın. Bәli, insan nә vaxtsa öz yaşayış mәkanını başqa planetlәrәdәk genişlәndirә bilәr.

 

Qurani-Kәrimin göylәrin vә yerin insan üçün ram edilmәsi haqqındakı ayәlәri, olsun ki, yuxarıda deyilәnlәrә bir işarәdir. Günәş, ay vә başqa sәma cisimlәri ilk gündәn ram edilmәsinә baxmayaraq, onlardan faydalanmanın da dәrәcәlәri var. Onların әn kamil halı yaşayış üçün yararlı olmalarıdır. İndi isә bәzi ayәlәrә nәzәr salaq:

 

1. Göylәrdә vә yerdә nә varsa, hamısını Öz tәrәfindәn sizin ixtiyarınıza qoyan da Odur. Hәqiqәtәn, düşünәn bir qövm üçün bunda ibrәtlәr var.”1

 

2. Mәgәr Allahın göylәrdә vә yerdә olanları sizin üçün ram etdiyini, aşkar vә gizli nemәtlәri sizә bolluca ehsan etdiyini görmürsünüzmü?!2

 

3. Seyr edәn günәşi vә ayı, hәmçinin gecәni vә gündüzü sizin ixtiyarınızda qoyan Odur.”3

Bәli, yuxarıdakı ayәlәrdә Quran bildirir ki, Allah-tәala bütün nemәtlәri, elәcә dә, göylәri vә yeri insanın ixtiyarında qoymuşdur. Amma insan bütün bu nemәtlәri tәdricәn әldә etmәlidir. Hәr әsrin öz kәşfi, öz nailiyyәtlәri var. Allahın yer üzündә olanları insanın ixtiyarında qoyması o demәk deyil ki, yerin tәkindә vә üstündә olan bütün nemәtlәr heç bir zәhmәtsiz әlә gәlәsidir. Xeyr, insan çalışmalı, araşdırmalar aparmalı, qiymәtli xәzinәlәri kәşf etmәlidir. Bәzi dövrlәrdә insan yalnız bәzi mәdәnlәri kәşf edә bilirsә, olsun ki, nә zamansa yerin tәkindәki bütün ehtiyatlar kәşf olunacaqdır. Bәşәr gәlәcәkdә elә mәnbәlәr tapa bilәr ki, hazırkı dövrümüzdә hәmin mәnbәlәr barәdә zәrrәcә mәlumat yoxdur. Sәma cisimlәri elә ilk gündәn bәşәriyyәtә ram olmuş olsa da, yalnız zaman keçdikcә onlardan daha çox istifadә olunacaq.

 

“Әrrәhman” surәsinin 33-cü ayәsindә buyurulur: “Ey cin vә insan tayfası, әgәr göylәrin vә yerin әtrafından kәnara çıxa bilәrsinizsә, çıxın. Siz yalnız qüvvәt vә qüdrәtlә çıxa bilәrsiniz.” Ayәdәn göründüyü kimi, insan elmi-texniki tәrәqqinin nailiyyәtlәri ilә silahlanaraq fәzaya sәfәr edә bilәr. Nә vaxtsa xәyal kimi görünәn bu işlәr indi adi bir gerçәklikdir.

1 “Әlcasiyә”, 13.

2 “Loğman”, 20.

3 “İbrahim”, 33. 

“Dini suаllаrа cаvаblаr”, Аyәtullаh-üzmа Mәkаrim Şirаzi və Аyәtullаh Cәfәr Sübhаni