QURANİ-KƏRİMDƏN NÖQTƏLƏR

 

1. Namazda itaətkarlıq:

الَّذِينَ هُمْ فِي صَلَاتِهِمْ خَاشِعُونَ

“O kəslər ki, namazlarında (həm qəlbləri, həm də bədənləri ilə) itaətkardırlar.”

2. Çirkin və bihudə işlərdən üz döndərmək:

وَالَّذِينَ هُمْ عَنِ اللَّغْوِ مُعْرِضُونَ

“O kəslər ki, bütün pis və çirkin (iş)lərdən üz döndərirlər.”

3. Zəkat vermək:

وَالَّذِينَ هُمْ لِلزَّكَاةِ فَاعِلُونَ

“O kəslər ki, zəkat verib nəfslərini təmizləyirlər.”

4. İffətli olmaq:

وَالَّذِينَ هُمْ لِفُرُوجِهِمْ حَافِظُونَ

“O kəslər ki, öz şəhvət qüvvələrini cilovlayırlar.”

5. Əmanət və əhd-peymana sadiqlik:

وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ

“O kəslər ki, özlərinin (xalqla və yaradanla) əmanətlərinə və (Allahın onlarla bağladığı, yaxud özləri öz aralarında və ya camaatla bağladıqları) əhd-peymanlarına riayət edirlər.”

6. Namazı qorumaq:

وَالَّذِينَ هُمْ عَلَى صَلَوَاتِهِمْ يُحَافِظُونَ

“O kəslər ki, namazlarını (kamil şəkildə) qoruyurlar.” (“Muminun”, 1-9.)

7-8-9: Bir-birilə dostluq etmək, yaxşılığa dəvət edib pislikdən çəkindirmək və namazı bərpa etmək:

وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاء بَعْضٍ يَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَيُقِيمُونَ الصَّلاَةَ وَيُؤْتُونَ الزَّكَاةَ

“Mömin kişilər və möminə qadınlar bir-birinin dostu, yardımçı və başçılarıdırlar. (Bir-birlərinə ağıl və şəriət baxımından) yaxşı (hesab edilən) işi əmr edir və pis (sayılan) işdən çəkindirirlər, namazı bərpa edir və zəkat verirlər...” (“Tövbə”, 71.)

10. Canları və mallarını Allaha satmaq:

إِنَّ اللّهَ اشْتَرَى مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الجَنَّةَ

“Həqiqətən, Allah möminlərin canlarını və mallarını onlardan Cənnətin onların olması bahasına satın alıb.” (“Tövbə”, 111.)